TRABALLANDO XUNT@S

"APRENDEMOS A CONVIVIR"

As alumnas e alumnos de 2º B na clase de Educación para a cidadanía.

COOPERANDO E COMPARTINDO

A EDUCACIÓN DO FUTURO?

PAUL RÍOS, PORTAVOZ DE LOKARRI, PREMIO PORTAPAZ

O Seminario Galego de Educación para a Paz acordou conceder o seu PREMIO PORTAPAZ a D. Paul Ríos, portavoz de Lokarri, REDE CIDADÁ POLO ACORDO, A CONSULTA E A RECONCILIACIÓN de Euskadi, "en xusto recoñecemento ó seu enorme esforzo e traballo por conseguir o remate da violencia de ETA, de maneira máis particular, pola magnífica organización da CONFERENCIA INTERNACIONAL PARA PROMOVER A RESOLUCION DO CONFLITO NO PAIS VASCO e a súa Declaración Final, aunténtica antesá do final definitivo das accións armadas de ETA", tal e como figura nunha carta remitida ó galardoado e que figura como documento anexo.

O Presidente do Seminario Galego de Educación para a Paz, Manuel Dios, tivo a oportunidade de falar hoxe persoalmente con Paul Ríos, de trasladarlle a decisión da Xunta Directiva do SGEP e de felicitalo polo premio. Paul Ríos mostrou a súa satisfacción, agradeceu o recoñecemento a Lokarri, especialmente, e confirmou que estará en Santiago de Compostela o próximo 30 de Xaneiro, Día Escolar pola Paz, aniversario da morte de Gandhi, para recoller persoalmente o galardón, e pronunciar unha conferencia sobre o proceso que levou ó final definitivo da violencia de ETA.

Entre os galardoados anteriores están, entre outros, Adolfo Pérez Esquivel, Gesto por la Paz, Federico Mayor Zaragoza, Baltasar Garzón, Jonan Fernández, director de Baketik, Manolo Rivas, Gervasio Sánchez, Karen Marón, Manuela Mesa, Xosé Couso (in memorian), ou a Plataforma do 0,7%.

PREMIO NOBEL DA PAZ 2011

PARABÉN A TRES VALEROSAS MULLERES
A súa aposta pola paz e a igualdade das persoas fannos pensar que outro mundo é posible.
Elas son, Ellen Johnson Sirleaf e Leymah Gbowee de Liberia, e Tawakul Kerman do Yemen.